Salam, hörmətli RootLab.az oxucuları!

Bu gün sizinlə birlikdə İT sahəsində fəaliyyət göstərən, İT üzrə təhsil alan və beynəlxalq sertifikatlara hazırlaşan bir çox oxucu üçün faydalı və vacib olan mövzulardan birinə toxunacağıq. İT dünyasında yalnız texniki biliklərə sahib olmaq artıq kifayət etmir. Cisco, Red Hat, CompTIA və digər beynəlxalq sertifikatlara hazırlaşarkən qarşımıza çıxan dərs materiallarının, rəsmi sənədlərin, texniki təlimatların, imtahan suallarının və laboratoriya tapşırıqlarının böyük hissəsi ingilis dilində təqdim olunur. Məsələn, siz Cisco CCNA imtahanına hazırlaşırsınızsa, configure, verify, enable, disable, troubleshoot, determine, identify və implement kimi sözlərlə çox tez-tez qarşılaşacaqsınız. Linux və Red Hat istiqamətində isə permission, directory, process, service, package, repository, authentication və configuration kimi terminlər gündəlik öyrənmə prosesinin bir hissəsinə çevrilir. Burada əsas problem ümumi ingilis dilini mükəmməl bilmək deyil. Əsas məsələ texniki ingilis dilini başa düşməkdir. Bir çox İT mütəxəssisi texniki mövzunu əslində bildiyi halda, imtahan sualında istifadə olunan bəzi sözləri düzgün anlamadığı üçün səhv cavab seçə bilir. Bəzən bir sualdakı yalnız bir söz  məsələn, “most likely”, “best”, “first”, “prevent” və ya “mitigate”  sualın bütün mənasını dəyişə bilər. Məhz buna görə RootLab.az olaraq bu mövzuda praktiki və sistemli bir yanaşma hazırlamaq qərarına gəldik.

Məqsədimiz nədir?

Bu materialın əsas məqsədi sizə minlərlə ümumi ingilis dili sözü əzbərlətmək deyil. Məqsədimiz CCNA, RHCSA/RHCE, CompTIA A+, Network+, Security+ və digər beynəlxalq İT sertifikatlarına hazırlaşarkən qarşınıza çıxacaq əsas texniki söz ehtiyatını formalaşdırmaqdır. Bu məqsədlə İT sahəsində ən çox istifadə olunan təxminən 2000 texniki ingilis dili sözünü 12 həftəyə bölərək öyrənməyi planlaşdırırıq. Hər həftə müəyyən mövzular üzrə yeni sözlər öyrənəcək, onların Azərbaycan dilində mənasını başa düşəcək və həmin sözlərin real İT mühitində necə istifadə edildiyinə baxacağıq. Niyə məhz 2000 söz? 2000 rəqəmini təsadüfi seçməmişik. İT sahəsində istifadə olunan bütün ingilis dili sözlərini öyrənmək nə realdır, nə də başlanğıc mərhələsində buna ehtiyac var. Bunun əvəzinə sertifikat imtahanlarında, texniki sənədlərdə,  komandalarında, təhlükəsizlik mövzularında və gündəlik sistem administratorluğu fəaliyyətində tez-tez qarşılaşacağınız sözlərə fokuslanmaq daha effektivdir.

Bu plan kimlər üçündür?

1. CCNA imtahanına hazırlaşanlar
2. RHCSA və RHCE öyrənənlər
3. CompTIA A+ hazırlığı keçənlər
4. CompTIA Network+ öyrənənlər
5. CompTIA Security+ hazırlığı keçənlər
6. Sistem administratorları
7. Network Administrator olmaq istəyənlər
8. SOC Analyst istiqamətində inkişaf edənlər
9. Help Desk mütəxəssisləri
10. Linux öyrənənlər
11. Kibertəhlükəsizlik sahəsinə yeni başlayanlar
12. İT sahəsinə yeni daxil olanlar
13. Texniki sənədləri oxumaqda çətinlik çəkənlər

İT İngilis dili lüğətini yükləyin