Salam hörmətli RootLab.az oxucuları, bu gün sizinlə birlikdə çox istifadə etdiyimiz, amma çox vaxt fərqinə varmadığımız bir mövzu haqqında danışacağıq. Söhbət Android telefonlarda proqramların silinməsi və bu silinmədən sonra cihazda qalan “görünməz qalıqlardan” gedir.
Bir çox istifadəçi düşünür ki, proqramın üzərinə sıxıb Uninstall / Sil etdikdə hər şey tamamilə təmizlənir. Əslində isə Android sistemində proqram silinsə belə, ona aid cache fayllar, boş qovluqlar, məlumat izləri və sistem qeydləri telefonda qalmağa davam edir. Məhz buna görə eyni proqramı yenidən quraşdırdıqda bəzən əvvəlki məlumatlar geri gəlir və proqram sanki “yeni qurulmamış” kimi davranır.
Bu yazıda Android telefonlarda proqramları necə tam izsiz silmək, hansı tətbiqlərdən istifadə etmək və proqramı yenidən quraşdırdıqda necə tam yeni proqram kimi görünməsini təmin etmək yollarını izah edəcəyik.
İlk növbədə bilməliyik ki, adi uninstall prosesi yalnız proqramın özünü silir. Amma proqram işlədiyi müddətdə aşağıdakı yerlərdə məlumat saxlayır.
- Cache faylları
- Android/data folderi
- Android/obb folderi
- Müvəqqəti sistem faylları
- Boş qalmış proqram folderləri
Bunlar silinmədiyi üçün telefon zamanla “zibil” fayllarla dolur. Proqramı düzgün silməyin ilk qaydası vardır.Proqramı silməzdən əvvəl Settings → Apps → Həmin proqram → Storage Burada siləcəyiniz əsas iki clear cache, clear data,etdikdən sonra Uninstall etmək lazımdır. Bu addım çox vacibdir və çox adam bunu etmir.
Qalıqları təmizləmək üçün ən effektiv appilkasıyalar vardır..
- Revo Uninstaller (Android) – https://revo-uninstaller.en.uptodown.com/android/download
- SD Maid SE (System Cleaner) – https://sd-maid-se.en.uptodown.com/android
Diqqət!
Google bəzən “cleaner/optimization” kimi tətbiqləri Play Store-dan silə bilər və bəzi alətlər rəsmi olaraq mağazada olmaya bilər.Hər APK-nı etibarlı mənbələrdən yükləyin.Əgər tətbiqi quraşdırmaq üçün “Unknown sources / Naməlum mənbələr” icazəsi istənərsə, bunu aktiv etməlisiniz (telefon parametrlərində).
