Salam, hörmətli RootLab.az oxucuları!

Əgər bu kitabı oxumağa başlamısınızsa, böyük ehtimalla şəbəkə sahəsinə marağınız var və CCNA öyrənmək istəyirsiniz. Bəlkə də artıq müxtəlif videolara baxmısınız, Cisco komandaları ilə tanış olmusunuz və ya Packet Tracer-də ilk laboratoriyalarınızı qurmusunuz. Ancaq bir çox insanın CCNA öyrənərkən qarşılaşdığı əsas problem komandaları bilməmək deyil  şəbəkənin fundamental məntiqini tam başa düşməməkdir.

CCNA sadəcə show, configure terminal, ip address və ya router ospf kimi komandaları əzbərləməkdən ibarət deyil. Əgər IP ünvanının nə olduğunu, MAC ünvanının hansı məqsədlə istifadə edildiyini, switch və router-in fərqini, DNS və DHCP-nin nə etdiyini, TCP ilə UDP arasındakı fərqi və OSI modelində məlumatın necə hərəkət etdiyini başa düşmürsünüzsə, CCNA mövzuları müəyyən mərhələdən sonra çətin görünməyə başlayacaq.

Məhz buna görə bu kitabı hazırladım.

“BUNLARI BİLMƏMİŞ CCNA ÖYRƏNMƏYƏ BAŞLAMA” kitabının məqsədi sizi birbaşa mürəkkəb Cisco konfiqurasiyalarına aparmaq deyil. Əvvəlcə şəbəkənin təməlini qurmaq, sonra həmin təməl üzərində CCNA biliklərini inkişaf etdirməkdir.

Kitabı PDF formatında yüklə